312               TESTAMENTS ENREGISTRÉS AU PARLEMENT DE PARTS            (552)
ment acomplir, et mettre à execucion de point en point, le dit testa­teur fist et ordena ses executeurs et feaulx commissaires, la dicte Jehanne, sa femme, maistre Guillaume de Villers, maistres Pierre Jehan, Jouachin de Geré, Symonet de la Mare, et Jehan Fouqueré, à chascun desquelx executeurs, qui se vouldra Chargier de l'execution de cestui present testament, pour vacquer et entendre diligemment à icelle, il laissa pour sa peine vint cinq frans; ausquelx executeurs tous ensemble, ou les trois d'iceulx pour le tout, pourveu toutes voies que la dicte Jehanne, sa femme, soit la premiere, il donna et octroya plain povoir, auctorité et mandement especial d'acomplir et mettre à execucion deue toutes et chascunes les choses dessus dictes et en ce present testament contenues. Es mains desquelx executeurs ycellui tes­tateur mist tous ses biens meubles et immeubles, droiz, creances et debtes, presens et à venir, et s'en dessaisi et se devesti d'iceulx,tpour entériner et acomplir cestui present testament, et les soubzmist pour ce du tout à la jurisdicion, cohercion et contrainte de toutes justices et jurisdicions, tant d'église comme de siecle, soubz qui ilz seront et pourront estre trouvez.
Et ceste presente ordenance testamentaire dist et afferma ycellui testateur estre sa derreniere voulenté, laquele il voult et manda tenir et valoir, et force et vertu avoir par droit de testament, ou par le droit des codicilles, et par le droit de chascune autre maniere de der­reniere voulenté, et autrement par tous droiz et par toutes les voyes et manieres par les quelz et queles il pourra et devra mieulx tenir, valoir, et force et vertu avoir, tant de droit comme de coustume ; et revoca, cassa et adnulla le dit testateur tous autres testamens, et codicilles, et ordenances de derreniere voulenté par lui faiz et passez par avant la date de ces presentes, en requerant nos lettres patentes sur ce lui estre faictes et ordenées.
Ces choses furent faictes, dictes et ordenées par le dit testateur en son hostel, séant en la grant rue Saint Denis à Paris, au coing de la rue Trousse Vache, presens à ce maistre Anceau du Jardin, prestre, Laurencette la Viennote, habitans de Paris, et pluseurs autres, à ce